Добро пожаловать на сайт sde.sksu.kz

UI GREENMETRIC WORLD UNIVERSITY RANKINGS 2024 НӘТИЖЕЛЕРІ ЖАРИЯЛАНДЫ

М.Әуезов атындағы ОҚУ-ды құттықтаймыз!

2024 жылдың 12 желтоқсанында UI GreenMetric World University Rankings рейтинг агенттігі GreenMetric-2024 халықаралық университеттер рейтингіcінің нәтижелерін жариялады. М.Әуезов атындағы Оңтүстік Қазақстан университеті өткен жылмен салыстырғанда өз нәтижелерін 3 позицияға жақсартып, әлемнің 1477 университеттерінің арасында 250-орынға ие болды. Қазақстан Республикасында М.Әуезов атындағы ОҚУ 28 ЖОО арасында 2 орында.

Рейтингті құрастыру кезінде 6 категория ескеріледі:

• Университеттің ыңғайлы инфрақұрылымы
• Энергияны және суды үнемдеу технологиялары
• Қалдықтарды қайта өңдеу және суды үнемдеу бағдарламалары
• Ыңғайлы көлік бағыттары
• Көмірқышқыл газы мен зиянды заттардың шығарындыларын азайту
• Экологиялық білім беру бағдарламалары

QS SUSTAINABILITY 2025 НӘТИЖЕЛЕРІ ЖАРИЯЛАНДЫ ҚҰТТЫҚТАЙМЫЗ!

Quacquarelli Symonds (QS) компаниясының беделді рейтингісі QS Sustainability 2025 нәтижелері жарияланды.

Рейтинг нәтижелері бойынша Әуезов университеті әлемдегі 1744 университеттің ішінде 1201-1250 орындарға ие болды. Қазақстанда университет Республикадағы 17 жоғары оқу орнының ішінде 6-шы орында. Аймақтық Азия рейтингісі бойынша университет аймақтағы 661 жоғары оқу орнының ішінде 404-орынға ие болды.

QS Sustainability рейтингі үш санаттан тұрады:

1. Қоршаған ортаға әсер: Экологиялық тұрақтылық, Экологиялық білім, Қоршаған ортаны зерттеу
2. Әлеуметтік әсер: теңдік, біліммен алмасу, денсаулық және сауықтыру
3. Басқару: Жақсы басқару

THE IMPACT RANKINGS 2024 РЕЙТИНГІНІҢ НӘТИЖЕЛЕРІ ЖАРИЯЛАНДЫ

Times Higher Education-нің IMPACT Rankings 2024 рейтингіcінің нәтижелері жарияланды, онда БҰҰ-ның көптеген тұрақты даму мақсаттарына (ТДМ) қол жеткізуде үздік университеттерді анықтап, атап өтеді.

THE2024 жылға Impact рейтингісін жасау үшін жалпы 125 елден/аймақтан 2152 университетті бағалады./p>

Қазақстаннан 26 ЖОО қатысты. Алғашқы үштікке 3 ЖОО (әл-Фараби атындағы ҚазҰУ -401-600, АлмаУ және ҚарМУ -801-1000), М.Әуезов атындағы ОҚУ 1001-1500 тобына кірген Қазақстан Республикасының 15 жоғары оқу орындарының тізіміне енді, қалған 7 жоғары оқу орындары 1500+ тобына кірді.

Рейтинг 2030 жылға дейін БҰҰ қабылдаған тұрақты даму мақсаттарының объективі арқылы университеттердің өз елдерінің әлеуметтік-экономикалық дамуына қосқан үлесін өлшейді. М.Әуезов атындағы ОҚУ барлығы 6 мақсатқа өтінім берді, олар бойынша университеттер бағаланады және олардың барлығы бойынша рейтингтік позициялар алды.

QS WORLD UNIVERSITY RANKINGS-2025 ДҮНИЕЖҮЗІЛІК РЕЙТИНГІСІНІҢ НӘТИЖЕЛЕРІ ЖАРИЯЛАНДЫ

Жаһандық жоғары білім нарығын талдауға маманданған британдық Quacquarelli Symonds (QS) компаниясы жыл сайын жариялайтын QS World University Rankings-2025 жаһандықуниверситеттердің рейтингісінің нәтижелерін жариялады.

М. Әуезов атындағы Оңтүстік Қазақстан университеті биылғы жылы әлемнің 1503 үздік жоғары оқу орындарының арасында 621 позициясын иеленді.

Іріктеуге әлемнің түкпір-түкпірінен 5663 ЖОО қатысты, оның ішінде үздік рейтингке 106 елден 1 503 университет кірді, оның ішінде Қазақстаннан 21 ЖОО -да бар.